बुलिङटार ३ सिंगुवामा आज देखि हाटबजार सञ्चालन

समर रानाभाट

८ महिना अघि

पाठक संख्या ३३१

तुल बहादुर राना मगर, बुलिङटार
बुलिङटार गाउँपालिका वडा नं ३ सिंगुवामा आज देखि हाटबजार सञ्चालनमा आएको छ । बुलिङटार गाउँपालिकाका अध्यक्ष इन्जिनियर दिपेन्द्र सुनारी मगरले  आज मंगलबार उद्घाटन गरिएको थियो । उक्त हातबजारलाई उद्घाटन गर्दै हरेक हप्ताको बुधबार दिउँसो २ बजे देखि लाग्ने अध्यक्ष सुनारी मगरले बताउनुभयो । यस कृषि हाटबजारबाट स्थानीय कृषि बाली, स्थानीय उत्पादनले न्याय पाउने विश्वास लिइएको अध्यक्ष सुनारी मगरले बताउनुभयो ।

उक्त कृषि हाटबजार सञ्चालनपछि बुलिङटारका कृषकहरु खुसी भएका छन् । बजारमा स्थानीय कृषकहरुले आलु, प्याज, विभिन्न सागसब्जी, लसुन, बेसार, करेला, बोडी, तरुल, बन्दा, अदुवा लगायत विभिन्न तरकारी तथा फलफूलहरुको बजार गर्न ल्याएका थिए । 

 उद्घाटन कार्यक्रममा बुलिङटार ३ का वडा अध्यक्ष विष्णुवीर जर्घा मगर, विभि जनप्रतिनिधिहरु लगायत स्थानीय बुद्धिजीवीहरुको उपस्थिति रहेको थियो ।