रोटरी क्लव अफ् नवलपुर कावासोतीको सातौ पद हस्तारण समारोह सम्पन्न

समर रानाभाट

५ महिना अघि

पाठक संख्या १३७

नवलपुर । रोटरी क्लव अफ् नवलपुर कावासोतीको सातौ पद हस्तान्तरण समारोह सम्पन्न भएको छ । आरआई डिष्ट्रीक ३२९२ नेपाल भुटानका गर्भनर राजेन्द्र मान शेरचनको प्रमुख आतिथ्यता सम्पन्न पद हस्तान्तरण समारोहमा, पूर्व सासद बिष्णु प्रसाद लामिछाने, जिल्ला समन्वय प्रमुख बाबुराम बिश्वकर्मा, डिष्ट्रीक गर्भर ईलेक्ट बिनोद कोईराला, डिष्ट्रीक गर्भर नोमिनी बिष्णु बहादुर कार्की, पूर्व डिष्ट्रीक गर्भनरहरु, संजय गिरी, राजेन्द्रराज भण्डारी, संन्तोष प्रसाद रिजाल, क्लव एसिस्टेण्ड गर्भनर अशोक कुमार बस्नेत लगायतको उपस्थिति रहेको थियो ।
 

कावासोती नगरपालिकाको सभा हलमा सम्पन्न बिशेष समारोहमा बर्ष २०२३÷२४ का अध्यक्ष बालकृष्ण घिमिरेले क्लवका बर्ष २०२४÷२५ का अध्यक्ष अर्जुन सापकोटा लाई पद हस्तान्तरण गर्नुभएको हो । पदभार ग्रहण लगतै अध्यक्ष सापकोटा लाई डिष्ट्रीक गर्भनर राजेन्द्र मान शेरचनले पद तथा गोपनीयताको सपथ खुवाउनुभएको थियो । निर्वतमान अध्यक्ष घिमिरले कार्यक्रमलाई संबोदन गर्दै यो बर्ष यस क्लवको लागि स्वर्णीम बर्ष हुने बताउनुभयो ।

कार्यक्रमका प्रमुख अतिथि डिजि शेरचनले रोटरी क्लवले विश्वब्यापी रुपमा पुर्याएको योगदानको चर्चा गर्दै सामाजिक सेवा भाव राख्नेहरुको ठूलो संजालनै रोटरी रहेको बताउनुभयो । सोही अबसरमा रोटरीको अभियानमा थप टेवा पुर्याउन क्लवका एजि अशोक कुमार बस्नेतले रोटरी क्लव अफ् नवलपुर कावासोतीलाई ५० हजार सहयोग गर्ने घोषणा गर्नुभयो ।