भिमाद नपा ३ द्वारा विद्युतीय चुलो वितरण 

समर रानाभाट

५ महिना अघि

पाठक संख्या १९६

श्रावण , भिमाद 
भिमाद नगरपालिका वडा नं ३ ले ग्यासको आयातलाई प्रतिस्थापन गर्न वडाका स्थानियहरुलाई विद्युतीय(इन्फ्रारेड ) चुलो  प्रदान गरेको छ । वडाले वडा भित्रका ११५ जनालाई संघिय बजेट अन्तर्गत ४ लाख रुपैयाँ उपलब्ध गराई स्थानियको २० प्रतिशत ( प्रतिव्यक्ति ७२३ ) लागत सहभागितामा  विद्युतीय चुलो वितरण गरिएको भिमाद नगरपालिका वडा नं ३ का वडाध्यक्ष पदम राज सेनले बताएका छन् । 

स्थानियलाई चुलो वितरण गर्दै भिमाद नगरपालिकाकी उपप्रमुख शारदा खनालले  विद्युतीय चुलो ग्यास चुलो भन्दा कम खर्चिलो हुने बताएकी छन्  । 

 “आजभोली धेरैले ग्यास प्रयोग गर्न थालिसकेका छन्, जसले गर्दा हाम्रो अत्याधिक रकम देश बाहिर जान्छ, विद्युतीय चुलो प्रयोग गर्दा विद्युतको महसुल तिर्नु परेपनि तुलनात्मक रूपमा विद्युतीय चुलो नै सस्तो हुन्छ " उनले भनिन् । भिमाद एफएमबाट