दोस्रो सेभेन “ए” साइड खुल्ला फुटबल प्रतियोगितामा आज  पनि दुई खेल हुँदै

समर रानाभाट

३ महिना अघि

पाठक संख्या ११८

असोज २०, कावासोती,

कावासोती १७ मा जारि दोस्रो सेभेन “ए” साइड खुल्ला फुटबल प्रतियोगितामा आज पनि दुई खेल हुँदैछन् ।
आज लक्ष्मिपुरले एस टाउन ब्वाईज सेतापानि र बाघखोर एफ सि चोरमाराले टेन स्टार क्लबको सामना गर्ने आयोजक सुर्योदय युवा क्लबका सचिव अबिनाश पौडेलले जानकारी दिनुुभयो ।

यसअघि हिजोभएको पहिलो खेलमा विशालटार देवचुलि ११ले बोटे ब्वाईजलाई ६ शुन्य गोलको फराकिलो अन्तरले पराजित गरेको छ । विशालटारको जितमा विपिन राना मगरले ३ गोल, साजन बुढाथोकिले २ र अम्रित परियारले १ गोल गरेका हुन् । त्यस्तै हिजै भएको दोश्रो खेलमा मिचि एजुकेशन सेन्टरलाई प्रगतिसिल युवा क्लबले ३ ० गोल अन्तरले पराजित गरेको छ ।

 
प्रगतिसिल युवा क्लबको जितकालागि सुदिप केसि, राम सापकोटा र अशोक वलिले एक एक गोल गरेका हुन् । 
विजयादशमीको अवसर पारि नवलपरासि(वर्दघाट सुुस्ता पूर्व)नवलपुरको कावासोति १७ गोछडाटारमा रहेको सुर्योदय क्लबको आयोजनामा कावासोती १७ गोछडामा रहेको सरस्वती माध्यमिक विद्यालयको खेलमैदानमा खेल भैरहेको हो । 

युवा वर्गलाई खेलकुदमा लाग्न प्रेरित गर्ने उद्येश्य सहित आयोजना गरिएको प्रतियोगितामा प्रथम हुने टिमलाई नगद ३० हजार ५ सय ५० र उपबिजेता टिमलाई नगद १५ हजार ५ सय ५० सहित विजयि दुवै टिमलाई ट्रफी र मेडल प्रदान गरिने खेल संयोजक दान बहादुर गुरुङ्गले जानकारी दिनुभयो ।
प्रतियोगितामा उत्कृष्ट खेलाडी, सर्वाधिक गोलकर्ता र सर्वोकृष्ट गोलरक्षकलाई समेत पुरस्कारको व्यवस्था रहेको क्लबका अध्यक्ष रोशन दराईले बताउनु भयो । प्रतियोगिताको मिडिया पार्टनर रेडियो कावासोती १०२.६ मेगाहर्ज रहेको छ ।