पत्रकार महासङ्घ नवलपुरको अध्यक्षमा श्रीराम सिग्देल निर्वाचित

समर रानाभाट

२ हप्ता अघि

पाठक संख्या ८३

नवलपुर । नेपाल पत्रकार महासङ्घ नवलपुर शाखाको अध्यक्षमा श्रीराम सिग्देल निर्वाचित भएका छन्।

सिग्देल ६२ मत प्राप्त गरी विजयी हुँदा उनका प्रतिस्पर्धी घनश्याम बगालेले ४० मत प्राप्त गरेको निर्वाचन समितिले जनाएको छ ।

यस्तै, उपाध्यक्षमा शालिकराम कोइराला,सचिवमा चोलाकान्त रेग्मी, सहसचिव समावेशीमा ज्ञानु पंगेनी निर्वाचित भएका छन् ।

सदस्यमा माया कँडेल, निशा भण्डारी,अजय पौडेल,राजु चापागाई,खगेन्द्र पराजुली,लोकनाथ पंगेनी र खेमनारायण महतो निर्वाचित भएका छन्।

यसअघि महासंघको महिला उपाध्यक्षमा धनु भुसाल, कोषाध्यक्षमा असिफ गुरुङ,सहसचिवमा सञ्जय भट्टराई निविरोध निवार्चित भएका छन् ।

त्यसैगरी, महिला सदस्यमा राधिका भुसाल, दलित सदस्यमा राम सुनार, अल्पसंख्यक सदस्यमा प्रिमत भुजेल र जनजाति सदस्यमा पूजा गुरुङ सर्वसम्मत भएका छन् ।