घिरिङमा नसर्ने रोगको मास स्क्रिनिङ्ग सम्बन्धि निशुल्क शिविर सन्चालन हुने

समर रानाभाट

१ हप्ता अघि

पाठक संख्या १०४

घिरिङ गाउँपालिकामा नसर्ने रोग मास स्क्रिनिङ्ग सम्बन्धि निशुल्क शिविर संचालन हुने भएको छ । घिरिङ गाउँपालिका र स्वास्थ्य निर्देशनालय गण्डकी प्रदेश पोखराको संयुक्त आयोजनामा हुने सो शिविर वडा नं ३ को सुन्धारा स्वास्थ्य चौकिमा हुन लागेको हो । शिविरमा ४० वर्ष माथिको उमेर समुहका सबै नागरिकले स्वास्थ्य परिक्षण गराएर सेवा लिन सक्नेछन ।

यहि पुस महिनाको ९ गते मंगलबारका दिन बिहान ८ बजे देखि २ बजे सम्म संचालन हुने शिविरमा सहभागी भएर नमुना संकलन गराउन गाउँपालिकाले बिज्ञप्ति मार्फत जानकारी गराएको छ ।

उक्त शिविर लाई जि.पि. कोइराला राष्ट्रिय श्वासप्रश्वास उपचार केन्द्रको प्राविधिक सहयोग रहेको छ । शिविरमा विशेषज्ञ डाक्टर र नर्सहरु बाट सुगर, मृगौला, कोल्स्ट्रोल, मुटु लगायत अन्य परिक्षण गर्न तथा परामर्श लिन सकिने गाउँपालिकाका स्वास्थ्य शाखा प्रमुख कृष्ण प्रसाद रिमालले जानकारी दिए । साथै उक्त स्वास्थ्य परिक्षणको रिपोर्ट लिनको लागि १० गते पुन उपस्थिति हुनुपर्ने रिमालले जानकारी गराए ।