देवचुलीका ३७ जना विद्यार्थीलाई शैक्षिक सामाग्री वितरण

समर रानाभाट

४ दिन अघि

पाठक संख्या १२८

नवलपुर । नवलपुरको देवचुली नगरपालिका वडा नम्बर ५ का ३७ जना विद्यार्थीलाई शैक्षिक सामाग्री वितरण गरिएको छ ।
जागृति बाल तथा युवा सरोकार नेपालले नेपाल हिल्फे बिटिकम किन्डर इन चिल्ड्रेन नेपालको सहयोग र देवचुली नगरपालिका वडा नम्बर ५ को समन्वयमा श्री नेपाल धर्ती आधारभूत विद्यालयमा अध्ययनरत विद्यार्थीलाई सो सामाग्री वितरण गरिएको हो ।
देवचुली नगरपालिकामा संचालित आयआर्जन कार्यक्रम अन्तर्गतबात खुसी खुसी बिधालयमा बालबालिका पुर्याउने अभियान अन्तर्गत यो शैक्षिक सामाग्रीहरु हस्तान्तरण गरिएको जागृति बाल तथा युवा सरोकार नेपालका महासचिव दिपक शर्माले बताउनुभयो ।
सो विद्यालयमा अध्ययनरत ३७ जना छात्रछात्रालाई झोला, स्विटर, टोपी, कपि, पेन्सिल, वितरण गरिएको हो ।
जागृति बाल तथा युवा सरोकार नेपालले बालबालिका, किशोरकिशोरी, आयआर्जन, महिला र बाताबरणको क्षेत्रमा काम गरिरहेकोमा धन्यवाद व्यक्त गर्दै नगरले पनि बालबालिकाको लागि चौतर्फी बिकासमा सहयोग पुर्याउन र सामुदायिक विद्यालयमा विद्यार्थीहरुलाई आकर्षण बढाउन विभिन्न योजना निर्माण गरिएको उहाँले बताउनुभयो ।
बालबालिका नै लगानीको मुख्य आधार भएकाले नगरपालिकाले विशेष प्राथमिकता साथ काम गरेको र सम्रगमा नमुना पालिका निर्माणमा लागेको उहाँले बताउनुभयो ।शैक्षिक सामाग्री वितरण कार्यक्रम बोल्दै बालमैत्री परामर्शदाता खिमानन्द भुसालले सस्थाले गरेको राम्रो काममा बधाई दिदै समग्र बालबालिकाको लागि निरन्तर रूपमा लागिरहने बताउनुभयो । बालबालिकाको लागि स्थानीय सरकार सगै अरु सरोकारवालाले समेत ध्यान दिनुपर्ने हुँदा सवैले चासो राख्नुपर्नेमा उहाँले जोड दिनुभयो शैक्षिक सामाग्री वितरण कार्यक्रममा देवचुली नगरपालिका ५ का वडा अध्यक्ष कृष्णप्रसाद सापकोटा, शिक्षा शाखाका अधिकृत नन्दलाल ढकाल, जनप्रतिनिधिहरु, अभिभावकहरु, विभिन्न संघसंस्थाका प्रतिनिधिहरु, विद्यालय व्यवस्थापन समितिका पदाधिकारीहरु, शिक्षक र विद्यार्थीहरुको उपस्थिति रहेको थियो ।