चौथो ऋषिङ अल्ट्रा म्याराथन हुने

समर रानाभाट

३ दिन अघि

पाठक संख्या ८९

विवेक श्रेष्ठ । ऋषिङ, पुस ९

ऋषिङ गाउँपालिकाको आयोजनामा यही पुस २७ गते चौथो ऋषिङ खुल्ला अल्ट्रा म्याराथन हुने भएको छ । ‘ऋषिङ समृद्धिको आधार कृषि संस्कृति, पर्यटन र पूर्वाधार’ भन्ने मूल नाराका साथ उक्त प्रतियोगिता आयोजना गरिएको गाउँपालिकाले जनाएको छ ।

खेलकुदका माध्यमबाट पर्यटन प्रवद्र्धन गर्ने उद्देश्यले उक्त अल्ट्रा म्याराथनको आयोजना गरिएको गाउँपालिकाका अध्यक्ष राजेन्द्रकृष्ण श्रेष्ठले बताए ।

उक्त प्रतियोगितामा प्रथम, द्वितीय, तृतीय र सान्त्वना हुने लाई क्रमशः रु. ६५ हजार, रु.४० हजार, रु. २५ हजार र रु. १० हजारका साथै मेडल, ट्रफी र प्रमाणपत्र उपलब्ध गराइने गाउँपालिकाका अध्यक्ष श्रेष्ठले जानकारी दिए ।

म्याराथनमा सहभागी हुन चाहने धावकले यही पौष २६ गते कार्यालय समय भित्र फाराम भर्न सक्नेछन् । उक्त म्याराथन धारुङ भञ्ज्याङ (ऋषिङ प्रवेशद्वार) देखि दौड सुरु भई रानीपोखरी, पुरानथोक, वडा नं ७ को कार्यालय, अर्खलाछाप, काफलडाँडा, पुरानो ऋषिङ (चालिसे) पोखरीभञ्ज्याङ, गोठादी, ढुङ्गाडे, भिरकोट अर्चल्दी, मौरीबास, दाङसिरी हुँदै दुबुङकोट भ्यू टावरमा पुगेर समापन हुनेछ ।