घिरिङमा वडाबाटै राष्ट्रिय परिचयपत्र वितरण

समर रानाभाट

५ दिन अघि

पाठक संख्या १६१

पुष १७, समर रानाभाट
घिरिङ  गाउँपालिकामा वडाबाटै राष्ट्रिय परिचयपत्र वितरण गर्न थालिएको छ । जिल्ला प्रशासन कार्यालयले घिरिङ गाउँपालिकाको समन्वयमा वडाबाटै राष्ट्रिय परिचयपत्र वितरण कार्य सुरु गरेको छ ।

 घिरिङ गाउँपालिका अध्यक्ष होम बहादुर थापाले राष्ट्रिय परिचयपत्र वितरणको कार्य प्रराम्भ हिजो गर्नु भएको थियो ।पहिलो चरणको वितरण कार्य  पुष १४ गते मंगलबार ३ नम्वर वडामा परिचयपत्र वितरण गरिएको  हो । यसैक्रममा  सबै वडाबाट परिचयपत्र वितरण गर्ने कार्ययोजना रहेको छ । सेवा प्रवाहलाई छिटो, छरितो बनाउन वडाबाटै वितरण गरिएको   गाउँपालिका अध्यक्ष थापाले  बताउनुभयो । 

यस घिरिङ गाउँपालिकाबाट जिल्ला प्रशासन  कार्यालय  तनहुँ बाट राष्ट्रिय परिचयपत्रको  फाराम भर्ने पहिलो चरणमा २३९९र थप १२९४ गरि राष्ट्रिय  परिचयपत्रको कार्डहरू वितरण गरिएको पंञ्जिकरण शाखाले बताएको छ ।वडास्तरमा पुगेर परिचयपत्र वितरण गर्दा सेवाग्राहीहरुले खुसी व्यक्त गरेका छन् ।