घिरिङमा आज देखि छैटौ राष्ट्रपती रनिङ शिल्ड प्रतियोगिता सुरू हुदैं 

समर रानाभाट

१७ घण्टा अघि

पाठक संख्या १०४

पुष ,२५
घिरिङ गाउँपालिका  छैटौ राष्ट्रपती रनिङ शिल्ड प्रतियोगिता घिरिङ गाउँपालिका परिसर र महेन्द्रज्योती माध्यमिक विद्यालयको  प्राङण घिरिङ ४  गडैलिटारको खेल मैदानमा  हुने भएको छ । पालिका भित्रका माध्यमिक विद्यालय स्तरीय राष्ट्रपति रनिङ शिल्ड प्रतियोगिता व्यवस्थापन तथा निर्देशन समितिको बैठकले यही पुष २५ र २८ गते गरि ४ दिनसम्म रनिङ शिल्ड प्रतियोगिता सञ्चालन गर्ने निर्णय गरेको हो। राष्ट्रपति रनिङ शिल्ड प्रतियोगिता व्यवस्थापन समितिले प्रतियोगिता लागि आवश्यक तयारी पूरा भएको बताएका छन् ।  व्यवस्थापन समितिका अनुसार ७ सामुदायिक  विद्यालय प्रतियोगिता सहभागी हुनेछन् । 

प्रतियोगितामा भलिबल, कबड्डी र एथलेटिक्स तर्फ हाईजम्प, लङ्गजम्प, त्रिपलजम्प, ज्याभलिन थ्रो, सटफुट, ४ गुण ४०० रिले , रनिङ  १०० मिटर,  २०० मिटर, ४०० मिटर, ८०० मिटर, १५०० मिटर,३०००मिटर,र दौड प्रतियोगिता हुने भएको छ । घिरिङ गाउँपालिका शिक्षा शाखा प्रमुख कृष्ण प्रसाद सुवेदिले  हस्ताक्षर गरेको सुचनामा बताएको छ ।

 विद्यालयबाट प्रतिष्पर्धा हुने प्रतियोगितामा प्रथम हुने विद्यालयले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ उप बिजेता हुने विद्यालयले  नगद २० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ तृतीय हुने विद्यालयले नगद १० हजार रुपैयाँ सहित शिल्ड, मेडल र प्रमाणपत्र प्राप्त गर्नेछ