मध्यविन्दु १५ मा आज बाट जग्गा नापीको काम सुरू

समर रानाभाट

२ महिना अघि

पाठक संख्या १३६

मध्यविन्दु १५ मा आज बाट जग्गा नापीको काम सुरू भएको छ। मध्यविन्दु नगरपालिका वडा नं. १५ मा जग्गानाप जाँच कार्यको नगर प्रमुख भिमलाल अधिकारीले शुभारम्भ गर्नु भएको छ । 
 शुभारम्भ गर्नुहदै उहाँले निर्वाचन पूर्व हामीले जनतासमक्ष गरेको एउटा बाचा भूमिहिन दलित, भूमिहिन सुकुम्बासी र अव्यवस्थित बसोबासीको समस्या समाधानका लागी निरन्तर लागि परिरहेको बताउनु भयो 
मध्यविन्दु नगरपालिका–१ म ९० परिवारलाई जग्गाधनि प्रमाण पुर्जा निशुल्क रुपमा हामीले यो बीचमा वितरण गरिसकेका छौं ।अधिकारीले भन्नुभयो,  नापी सम्पन्न भएको स्थानमा पुर्जाको वितरण र बाँकी स्थानमा क्रमशः नापीको काम हामीले संगसंगै अगाडी बढाएका छौं । हालसम्म वडा नं. १, ५, ६, ७,८ र १० को नापीको काम सम्पन्न भई जग्गाधनि पुर्जा वितरणको लागि अन्य प्रक्रियाहरु अगाडी बढिसकेको नगर प्रमुख अधिकारीले भन्नु भयो ।  उहाँले नापीको कार्यलाई आवश्यक सहजिकरण गरिदिनु समेत सबै वडाबासीहरूलाई अनुरोध गर्नु भएको थियो ।
 मध्यविन्दु नगरपालिका भित्र भूमिहिन दलित २९१ जना , भूमिहिन सुकुम्बासी ११६९ जना, र अव्यवस्थित बसोबासी ६४२५ जना रहनुभएको छ । जसमा मध्यविन्दु १५ कम ३८ जना भूमिहिन दलित, १५५ जना भूमिहिन सुकुम्बासी र१०२१  अव्यवस्थित बसोबासी रहेका छन् । हाल सम्म मध्यविन्दु नगरपालिका भित्र ५,२३७  कित्ता नाप नक्सा बनाइएको छ ।