२२ चैत २०८१ शुक्रबार | 04 Apr 2025 Fri

कावासोती–५ मा नौमती बाजा संरक्षणका लागि सामग्री हस्तान्तरण

  • समर रानाभाट
  • १ महिना अघि
  • पाठक संख्या ७४

  • कावासाेती,
    कावासोती नगरपालिका वडा नं. ५ ले नेपाली मौलिक बाजा नौमती बाजाको संरक्षण तथा प्रवर्द्धन गर्ने उद्देश्यले वडा स्तरीय कार्यक्रम अन्तर्गत नौमती बाजाका सामग्री हस्तान्तरण गरेको छ।

    वडा अध्यक्ष श्री निरज कुमार पुनको सभाध्यक्षता तथा सिंह निवास सामुदायिक वन उपभोक्ता समितिका अध्यक्ष श्री दुर्गा बहादुर गुरुङको विशेष उपस्थितिमा सम्पन्न कार्यक्रममा वडा जनप्रतिनिधिहरू, पाँच कट्ठा टोल विकास संस्थाका अध्यक्ष, दिप ज्योति महिला आमा समूहकी अध्यक्ष लगायत विभिन्न सामाजिक संघसंस्थाका प्रतिनिधिहरूको उपस्थिति रहेको थियो।

    कार्यक्रम अन्तर्गत कावासोती नगरपालिका वडा नं. ५ द्वारा आर्थिक वर्ष २०८१/८२ को वार्षिक योजनामा समावेश परियोजना अनुरूप वडा नं. ५ सति चोकमा रहेको उत्तम नौमती बाजा समूहलाई नौमती बाजाका सामग्री हस्तान्तरण गरिएको हो।

    यस योजनाले मौलिक नेपाली संस्कृतिको जगेर्ना गर्दै नौमती बाजा समूहहरूको क्षमता अभिवृद्धि गर्ने विश्वास लिइएको छ। वडा अध्यक्ष पुनले स्थानीय स्तरमा मौलिक संस्कृतिको प्रवर्द्धन गर्ने योजना अनुसार आगामी दिनमा पनि यस्ता कार्यक्रमलाई निरन्तरता दिने प्रतिबद्धता व्यक्त गर्नुभयो।