सातौं कुलुङ कपको उपाधी ऋषिङ समाजलाई

समर रानाभाट

१ महिना अघि

पाठक संख्या ११३

२०८१ फागुन २० 
व्यास : तनहुँ जिल्लाको ब्यासनगरपालिका वडा न: १४ कुलुङमा सातौं कुलुङ कप २०८१  मगर दिवसको अबसरमा  गाउँ तथा साबिक वडा स्तरिय  भलिबल प्रतियोगिताको उपाधी ऋषिङ समाजले हात पारेको छ ।  ब्यासनगरपालिका वडा न: १४ श्री छाब्दी बाराही लाङघाली युवा क्लब आयोजकलाई २-१ को सेटमा पराजित गरि उपाधी गितेको हो। बिजेता बने संगै ऋषिङ समाज ऋषिङले रु .५५ हजार ट्रफि मेडल र प्रमाणपत्र हात परेका छ । छाब्दी बाराही लाङघाली युवा क्लब आयोजकले रु. ३३ हजार ट्रफि मेडल र प्रमाणपत्र प्राप्त गरेको छ ।  तेस्रो स्थानको लागी भएको खेलमा  नारायण गोपाल युवा क्लब बन्दिपुर गाउँपालिका वडा न: २ कुर्कुर्दी र एकता युवा क्लब बन्दिपुर गाउँपालिका वडा न: ३ रामकोट बिच भएको खेलमा एकता युवा क्लबलाई २-०को सेटमा पराजित गर्दै गोपाल युवा क्लब कुर्कुर्दी तेस्रो बने संगै रु. २० हजार ट्रफि मेडल र प्रमाणपत्रमा चित्त बुझायो । प्रतियोगितामा कुल १२ टिम सहभागी रहेको थिए । क्लबका अध्यक्ष दिपक थापा मगरले प्रतियोगिता सफलतापुर्बक सम्पन्न भएको जानकारि दिए ।