उमेदवारको सारथि बन्दै क्रिएटिभ एसएमएसः डिजिटल प्रचारका नयाँ सम्भावनाहरू

समर रानाभाट

३ हप्ता अघि

पाठक संख्या ६१

नेपालभर स्वतन्त्र विद्यार्थी युनियन (स्ववियु) को निर्वाचनले विद्यार्थी संगठनहरूलाई तताइरहेको छ। त्रिभुवन विश्वविद्यालयका आंगिक, सामुदायिक तथा सम्बन्धन प्राप्त क्याम्पसहरूमा स्ववियु निर्वाचनका गतिविधिहरू उत्कर्षमा पुगेका छन्। कतै सहमति त कतै बागी उम्मेदवारीका कारण विद्यार्थी राजनीति झन् चर्किंदै गएको छ ।

निर्वाचन प्रचारका शैलीहरू समयानुकूल बदलिंदै गएका छन्। विगतमा पोस्टर, पम्प्लेट, भित्तेलेखन, माइकिङजस्ता परम्परागत प्रचार विधिहरू प्रचलनमा थिए भने अहिले डिजिटल माध्यमले प्राथमिकता पाउँदै आएको छ। स्थानीय तहको निर्वाचन होस् या राष्ट्रपति तथा संसदीय निर्वाचन, प्रविधिको प्रभाव उल्लेखनीय रूपमा बढेको छ । यही कारण, मतदातासम्म छिटो, भरपर्दो, र प्रभावकारी रूपमा पुग्न उम्मेदवारहरू प्रविधिको प्रयोगमा विशेष जोड दिइरहेका छन् ।

पछिल्ला केही वर्षयता, उम्मेदवारहरूले डिजिटल प्रचारका नयाँ उपायहरू अवलम्बन गर्दै आएका छन् । सामाजिक सञ्जालदेखि लिएर एसएमएस र भ्वाइस कलसम्म, डिजिटल प्रविधिले चुनावी सन्देश सम्प्रेषण गर्ने कार्यलाई तीव्र, सुलभ, र प्रभावकारी बनाएको छ। यही आवश्यकतालाई मध्यनजर गर्दै क्रिएटिभ एसएमएस एक सफल सेवा प्रदायकका रूपमा उदाएको छ ।

“आजकल खानेपानी उपभोक्ता समितिदेखि लिएर वन, सहकारी, राजनीतिक दलका आन्तरिक निर्वाचनसम्ममा उम्मेदवारहरूले अत्यधिक मात्रामा एसएमएसमार्फत आफ्ना प्रतिबद्धता, एजेन्डा, र चुनावी सन्देश मतदातासम्म पुर्याइरहेका छन्” क्रिएटिभ एसएमएसका प्रबन्ध निर्देशक ऋतिक डंगोल बताउनुहुन्छ ।

क्रिएटिभ एसएमएसले सस्तो, प्रभावकारी, र द्रुतगति सन्देश वितरण सेवा प्रदान गर्दै आएको छ। यसको मुख्य फाइदा भनेको सीधै मतदातासम्म सन्देश पुर्याउने क्षमता हो । चुनावी प्रचारमा सन्देशको सही समयमा, सही व्यक्तिसम्म, सही ढंगले पुग्नु महत्वपूर्ण हुन्छ । यही आवश्यकता पूरा गर्न क्रिएटिभ एसएमएस प्रमुख विकल्पका रूपमा स्थापित भएको छ ।

डंगोलका अनुसार, “हाम्रो उद्देश्य भनेको उम्मेदवारहरूलाई छिटो, सुरक्षित, र प्रभावकारी रूपमा सन्देश सम्प्रेषण गर्न सक्षम बनाउने हो। हालैको स्ववियु निर्वाचनका लागि हामीले विभिन्न प्याकेजहरू ल्याएका छौं, जसले विभिन्न राजनीतिक दलका उम्मेदवारहरूलाई लक्षित मतदातासम्म सरल, सस्तो, र प्रभावकारी रूपमा पुग्न सहयोग गर्छ”

क्रिएटिभ एसएमएस अन्तर्गत, भ्वाइस कल सेवा पनि उत्तिकै प्रभावकारी रहेको छ । “हामीले विगत तीन वर्षदेखि भ्वाइस कल सेवा प्रदान गर्दै आएका छौं। यस प्रविधिबाट एकै पटक हजारौं मतदातालाई फोन कलमार्फत उम्मेदवारकै आवाजमा चुनावी सन्देश पुर्याउन सकिन्छ” क्रिएटिभ भ्वाइसका प्रबन्ध निर्देशक विदुर गिरी बताउनुहुन्छ ।

गिरीका अनुसार, मतदाता र उम्मेदवारबीचको सम्बन्ध सुदृढ बनाउन भ्वाइस कल विशेष प्रभावकारी हुन्छ । यस विधिबाट, मतदाताले उम्मेदवारको प्रतिबद्धता सीधै उम्मेदवारकै आवाजमा सुन्न सक्छन्, जसले विश्वास र भरोसा निर्माण गर्न महत्वपूर्ण भूमिका खेल्छ ।

नेपालमा प्रविधिको बढ्दो प्रयोगसँगै निर्वाचन प्रचारमा पनि डिजिटल माध्यमको प्रभाव बढेको छ । स्थानीय तहको २०७९ सालको निर्वाचनमा क्रिएटिभ एसएमएसको सेवा धेरै उम्मेदवारहरूले प्रयोग गरेका थिए। देशका ठुला सहरका स्थानीय तहहरुले मात्र नभई ग्रामिर्ण भेगका पालिकाहरूका उम्मेदवारहरूले एसएमएस र भ्वाइस कलको प्रयोग गरेर मतदाताहरूसँग प्रत्यक्ष सम्पर्क राख्न सफल भएका छन् ।

क्रिएटिभ एसएमएस र क्रिएटिभ भ्वाइसको मातृ कम्पनी क्रिएटिभ क्रिएशन्स एण्ड मिडिया ले २००० भन्दा बढी निर्वाचनमा डिजिटल प्रचार सेवा प्रदान गरिसकेको छ ।

“हामी कुनै पनि ग्राहकलाई केवल सेवा मात्र होइन, समाधान दिने प्रयास गर्छौं। देशभर ३०० भन्दा बढी विद्यालय, सरकारी तथा गैरसरकारी संघसंस्थाहरू हाम्रो सेवा प्रयोग गरिरहेका छन्,” क्रिएटिभ क्रिएशन्स एण्ड मिडियाका प्रमुख प्रशासकीय अधिकृत खिमानन्द देवकोटा बताउँछन् ।

देवकोटाका अनुसार, क्रिएटिभ क्रिएशन्स एण्ड मिडियाले ३६० डिग्री कर्पोरेट सेवा प्रदान गर्दै आएको छ । “हामी प्रविधिमा निरन्तर नवीनता ल्याएर ग्राहकलाई उत्कृष्ट सेवा दिने प्रतिवद्धतासहित अगाडि बढिरहेका छौं। डिजिटल प्रविधिको सही प्रयोगले उम्मेदवारहरूको प्रचार अभियानलाई थप प्रभावकारी बनाउनेछ,” उनले थपे ।

स्ववियु निर्वाचनका उम्मेदवारहरूका लागि डिजिटल प्रचारको प्रभावकारिता बढ्दै गएको परिप्रेक्ष्यमा, क्रिएटिभ एसएमएस र क्रिएटिभ भ्वाइस सुरक्षित, द्रुत, र प्रभावकारी प्रविधि अपनाएर उनीहरूको सफलतामा योगदान गर्न प्रतिबद्ध छ ।